Dul-an tulo na ka oras sukad gideklarar ni Master of Papal Ceremonies – Archbishop Diego Ravelli nga mugawas ang tanan sa simbahan, gawas sa mga kardinal nga mupahigayon sa Conclave sulod sa Sistine Chapel.
Ang “Extra omnes” usa ka tradisyonal nga mando nagpasabot sa publiko nga ang tanang dili cardinal electors kinahanglan mogawas sa kapilya, kay padlakan ang pultahan niini aron ipahigayon ang labing solemno ug balaan nga pagpili, alang sa bag-ong Santo Papa.
Ang pagbotar sa bag-ong santo papa o conclave kasagaran mulungtad sa duha hangtud sa tolo ka adlaw, depende sa kadugayon sa pagboto sa mga cardinal electors.
Subay sa kasaysayan, ang pinakataas nga conclave milungtad sa halos tulo ka tuig, niadtong tuig 1268 hangtud 1271.
Ang conclave sa 2013 diin napili si Pope Francis, milungtad lang sa duha ka adlaw ug lima ka rounds sa pagbotar.
Sa pagkakaron, nasabutan sa mga kardinal nga ang ilang conclave, ipahigayon sa ikaduha ka beses sulod sa usa ka adlaw, kundiin, usa sa buntag, ug laing usa sa hapon hangtud sa makab-ot nila ang two-thirds majority nga gikinahanglan aron mapili ang bag-ong Santo Papa.
Una niini, sa wala pa mi-abante ang botasyon, gibasa una sa mga cardinal electors ang Litanya sa mga Santos (Litany of the Saints) ug ang Veni Creator, usa ka Latin nga himno nga nangayo sa tabang sa Espiritu Santo aron mugiya kanila sa pagpili sa bag-ong Santo Papa.
