Tolo ka oras sukad gideklarar ni Master of Papal Ceremonies – Archbishop Diego Ravelli nga sirad-an ang Sistine Chapel, aron ipahigayon sa ang conclave, WALAY NAPILI NGA SANTO PAPA sa UNANG HUGNA sa pagbotar sa mga cardinal electors, ning adlawa.
Ang pagbotar sa bag-ong santo papa o conclave kasagaran mulungtad sa duha hangtud sa tolo ka adlaw, depende sa kadugayon sa pagboto sa mga cardinal electors.
Subay sa kasaysayan, ang pinakataas nga conclave milungtad sa halos tulo ka tuig, niadtong tuig 1268 hangtud 1271.
Ang conclave sa 2013 diin napili si Pope Francis, milungtad lang sa duha ka adlaw ug lima ka rounds sa pagbotar.
Sa pagkakaron, nasabutan sa mga kardinal nga ang ilang conclave, ipahigayon sa ikaduha ka beses sulod sa usa ka adlaw, kundiin, usa sa buntag, ug laing usa sa hapon hangtud sa makab-ot nila ang two-thirds majority nga gikinahanglan aron mapili ang bag-ong Santo Papa.
