Gipanigruo sa Philippine National Police (PNP) nga luwas ang tanan ka 68 milyon ka botante alang sa May 12 Midterm Elections, sa Lunes.
Namahayag si PNP Chief Gen. Rommel Marbil nga tinguha sa kapulisan nga walay mahitabong dakung gubot sa eleksyon sa tibook Pilipinas, pinaagi sa pagdeploy sa 163,621 ka police personnel aron siguradong hapsay ang piliay.
Mahinumduman nga niadtong Mayo 3, giisa sa PNP ang Full alert status, ug kagahapon, gipatuman ang “full force deployment”.
Miingon si Marbil nga aduna silay ipahigayon nga mga mas istrikto nga checkpoint ug chokepoints area aron mapug-ngan ang mga dautang buhat.
Sa pagka Mayo 11, ipatuman sa PNP ang Liquor Ban Campaign.
