Pan-os nga gatas, wala mapusli nga mga nutriban nga mubalor sa P5.7 Million, 1.5 million ka-ihap sa stock-up laptops, ug 65 Million pesos program sa nasapon nga ghost students sa sekundarya – ang pipilia lamang sa kapalpakan sa pagdumala ni Vice President Sara Duterte, dihang siya ang gituboy nga kalihim sa Department of Education.
Kini ang resbak sa Palasyo sa paglakmit ni VP Duterte nga si Marcos usa ka weak leader, ug sayop ang napili nga presidente sa katawhang Pilipino.
Miingon si Palace Press Officer Atty Castro nga igo ra gilitok ni VP Sara ang mga bugay nga haum sa iyang track record human niya biyae ang DepEd kay wala kini katakos sa paghupot sa gubot nga education system sa nasud. Gibutyag ni Castro nga ang tanan problema nga iyang gibilin sa DepEd paspas nasulosyonan ni Education Sec. Sonny Angara. Kini ang rason nga gitawag siya sa administrasyon nga siya ang tinood nga problema sa nasud.
