CAGAYAN DE ORO CITY – Nagtoo si Atty. Antonio Soriano sa grupong Citizens Watch for Good Goverance o CWGG 10 nga political gimmick lang ang gihimo sa grupong Duterte Youth partylist nga pagduso’g impeachment complaint batok kang Pres Bongbong Marcos didto sa kamarabaha.
Nunot kini sa giingong illegal nga pagpadakop ni Marcos kang kanhi Pres Rodrigo Duterte ug gitugyan sa kustodiya sa International Criminal Court sa Netherlands.
Miingon si Soriano nga mihatag na sa punto-legal ang DoJ kabahin sa isyu hinungdang wala’y lig-ong basehan ang gipamugos ni Duterte Youth partylist Rep. Ronald Cardema ug iyang kapikas kanhi lawmaker Marie Cardema sa ilang reklamo.
Gani,nagtoo usab ang abogado nga dili maka ‘first base’ sa kamarabaha ang gihan-ay nga impeachment complaint sa magtiayong Cardema batok sa administrasyong Marcos.
