CAGAYAN DE ORO CITY – Dako’g negatibong epekto sa katibuk-an ang pagtugot sa katawhan nga ibaligya ang ilang mga boto ngadto sa mga kandidato sa Mayo 12 nga piliay.
Kini ang gipalanog ni Lesbian, Gay, Bisexual, Transgender o LGBT Pilipinas spokesperson Atty. Samanthan Tan nunot sa grabeng pinalitay sa mga boto sa pipila ka kabahin sa dakbayan sa milabay’ng semana.
Gibutyag ni Tan nga mas grabe ang dili maayong resulta sa vote buying itandi sa paglihok sa ekonomiya kay dagha’g kuwarta ang katawhan kay kinitaan sa pagbaligya sa ilang mga boto.
Siya miingon nga kung dili maundang ang maong ilegal nga kalihukan sa matag-eleksyon,wala na’y angay lauman nga kaayuhan ang katawhan sa nasud.
Hisayrang nag-isig-akusahay ang duha ka dagkong panig sa mga politiko sa syudad nga garapalan sa pinalitay sa mga boto.
