Gi-umentuhan ni Pres Bongbong Marcos ang madawatan nga ‘honoraria’ sa mga magtutudlo nga magsilbing board of election inspectors o BEIs sa May 12 elections.
Miingon si Budget Secretary Amenah Pangandaman nga anaa sa 2-mil pesos across the board ang usbaw alang sa dawaton sa mga magtutudlo nga nagserbisyo sa 2025 midterm elections.
Siya miingon nga nagkahulugan kini nga anaa na sa 12-mil pesos ang dawaton sa BEI chairman;11-mil sa poll clerk ingon man 3rd member ug 8-mil pesos na usab ang mga nagsilbing support staff.
Hisayrang anaa sa 758-mil 549 ka magtutudlo ang mosilbi isip election workers alang sa national ug local elections ning tuiga.
