Gihupay ni Luis Antonio Cardinal Tagle,cardinal bishop sa San Felice Da Cantalice A Centocelle ang mga pagbati sa katawhang Pilipinhon kung nganong dili siya ang napili nga bag-ong santo papa apan si US Cardinal Robert Francis Prevost nga naila na nga si Pope Leo XIV
Kini human kabahin ang pangalan ni Tagle sa pipila ka cardinals nga gilauman mapili tungod sa kasu-od nila ni Pope Francis.
Miingon ang Tagle cardinal nga dili personal apan lihok sa espirito santo ang mas mitigbabaw kanila nga nag-apil sa conclave rason nakuha ni Pope Leo XIV ang 2/3 majority votes sa 133 ka cardinals.
Hinoon,gihulagway niya si Santo Papa Leon de Katorse nga mapaubsanon ug adunay pagka-komedyante nga klase sa lider nga indikasyon nga sayon ikasandurot sa mga kaparian ug katawhan sa tibuok kalibutan.
Gawas kang Tagle,apil usab nga milambigit sa conclave sila Manila Cardinal Jose Advincula ug Caloocan Cardinal Pablo David sa miaging Mayo 7 hangtod 8.
Hisayrang si Tagle ug Pope Francis ang dugay nang managkaila rason nga nahugon-hugon nga hayan siya ang pillion nga mapili nga sunod nga santo papan.
