Gihangyo ni Pope Leo XIV ang mga lider sa mga nasod nga isalikway ang polarisasyon o ang pagbahin-bahin sa mga tawo ngadto sa duha ka magka-atbang nga pundok ug paminawon ang singgit para sa kalinaw.
Ang iyang pakigpulong atubangan ni Haring Felipe sa Spain maoy sinugdanan sa usa ka semana nga pagbisita aron makigtagbo sa mga migrante ug sa mga organisasyon nga nagsuporta kanila.
Gipahayag usab sa Santo Papa ang iyang paglaum nga magsilbing ehemplo kini sa kalibutan sa pagpakita og pagtahod sa matag tawo.
Gawas niini, gisaway ni Pope Leo ang mga polisiya batok sa imigrasyon ni US President Donald Trump ug ang gubat sa Iran.
Samtang didto sa maong pagbisita, gikatakda niyang makigtagbo ang mga biktima sa mga pag-abuso sa mga kaparian ug inagurayan ang usa ka bag-ong torre sa sikat nga Sagrada Família Basilica sa Barcelona.
