Patay ang wala pa maila nga lalaki, ug daghan ang samaran sa shooting incident sa Silay, Negros Occidental, karong buntag, Mayo 12.
Gikompirmar ni Silay City Chief of Police PLTCOL. Mark Anthony Darroca ang report human mismo ang iyang tropa ang miresponde sa crime scene.
Base sa inisyal nga impormasyon, nagbarog ang mga biktima sa gawas sa headquarters sa usa ka political group, sa dihang kalit silang gipamusil sa wala pa maila nga mga suspek nga nagsakay sa usa ka van.
Subay sa video nga nakuha ni Jireh Marie Malunes, mibati sa tumang kahadlok ug pagpanic ang nga residente dihang mipaka ang daghang buto-buto sa armas sa ilang kadalanan.
Ang mga samaran nga biktima daling gidala sa ospital alang sa medikal nga atensyon.
Sa pagkakaron, padayon ang imbestigasyon ug hot pursuit operations sa kapulisan aron madakpan ang mga suspek sa pagpamusil.
Padayon pang gibalidar sa Commission on Elections (COMELEC) kung ang insidente may kalabotan sa piliay.
