CAGAYAN DE ORO CITY – Gikalipay ni Commission on Elections 10 regional director Atty. Renato Magbutay ang naghinobrang kahapsay sa gilusad nga May 12 elections sa Northern Mindanao.
Kini bisan nga adunay areas of concern nga naka-kategorya sa color orange,color yellow ug red ang rehiyon alayon sa piliay ning tuiga.
Gibutyag ni Magbutay nga gipasalamatan nila ang tanang mga nalambigit sa piliay nga nakab-ot nila ang malinawon nga eleksyon kuyog ang sobra 3 milyones ka botante sa milabay’ng Lunes.
Siya miingon nga ginagmay’ng kasilik-an lang sa pipila ma makina ang nasiantian apan pila ra kalugas kay wala man nahurot paggamit ang nakareserba nga automated counting machines.
Dugang sa opisyal nga nagpakita nga paspas ang pagtubag sa mga makina apan nipis lang ang mga gigamit nga papep isip opisyal nga balota.
Pagpasabot usab niini nga dako’g posibilidad nga susamang makina lamang gihapon ang gamiton alang sa 2028 presidential elections.
Ipatuman gihapon sa Comelec ang paglahi sa oras nga makabotar ang senior citizens,mga mabdos nga kababayen-an ug persons with disabilities.
Dugtong niini,dako ang pagpasalamat sa Comelec sa govt security forces, mga magtutudlo ingon man ang ubang sector nga nalambigit sa piliay aron silbihan ang mga botante.
