Pirmado na ni US President Donald Trump ang “Take It Down Act,”.
Kini nga bipartisan bill mitarget sa mga explicit AI-generated deepfakes.
Si First lady Melania Trump nangunay sa iyang tinguha nga makasuhag kriminal ang mupakatag sa mga peke nga hulagway, video, o audio nga gamit ang artificial intelligence (AI) ug nagpakita sa sensitibo o dili angay nga mga impormasyon.
Pulos gihingusdan sa First Couple nga isulod sa prisohan o multahan sa dakung kantidad, ang mga tawong nagpaluyo sa pag-abusar sa teknolohiya, kay magamit man kini sa pagpanglimbong, pagpangdaot, o sa dili etikal nga mga katuyoan.
Ang deepfake technology migamit sa advanced AI algorithms aron mohimong tinuod-tan-awon nga mga hulagway o video ug lisod mailhan nga peke. Ang “explicit deepfakes” kasagaran naglakip sa mga peke nga pornograpiya, pagpangdaot sa mga personalidad, ug pagpanglimbong sa social media.
Kini nagpataas sa kabalaka sa seguridad ug etika, tungod kay mahimo kini gamiton sa pagpangilad sa publiko ug pagdaot sa reputasyon sa mga tawo.
Tungod niini, daghang mga nasud nagpatuman og balaod batok sa deepfake misuse aron **maprotektahan ang katawhan.
