CAGAYAN DE ORO CITY – Dili lang angay mabalaka ang job orders ug casual workers sa kapitolyo probinsyal taliwala nga bag-o na ang modumala niini sa Hunyo 30 ning tuiga.
Kini human nabati sa Uy transition team nga nagsugod na’g kabalaka ang ubay-ubay’ng nga mga trabahante nga hayan maapektuhan sa pagsulod sa ni Govenor elect Juliette Uy nga mohulip sa ibakatante nga puwesto ni Gov. Peter Unabia sa pagka-30 sa Hunyo ning tuiga.
Miingon si Atty Angel Lim,legal counsel sa Uy transition team nga ipaubos sa makuti nga ebalwasyon ang maong mga empleyado.Kini tungod kay kabahin sa mahimong basehan nga sila ipabilin o hulipan sa ilang mga trabaho.
Gipasabot ni Lim nga gustuhon man niini nga dili matandog ang mga empleyado sa kapitolyo apan mag-agad sa hukom ni Uy ang ilang kapalaran.
Hinoon,unang gipasalig ni Uy nga magpaka-inahan kini sa katawhan sa lalawigan diin nagkahulugan nga ipatuman niini ang patas nga tratamento alang sa ikaayo sa kadaghanan.
