CAGAYAN DE ORO CITY – Diretsong giangkon ni Air Force 2nd Lt Angelique Mae Cabardo sa Philippine Military Academy SikLab-Laya Class of 2025 nga diriyot niya dili makab-ot ang pagsilbing officer sa Armadong Kusog sa Pilipinas tungod sa mga pagsulay nga naagian niini sa akademya sa upat ka tuig.
Kini ang pag-angkon ni Cabardo nga garbo gikan sa Iligan City diin adunay mga higayon nga nasinatian niini ang ubos nga pagsalig sa kaugalingon nga nag-resulta pagduso niya’g resignation letter sa PMA.
Pagsaysay niini sa Bombo Radyo,miabot sa punto nga kung dili pa tungod sa mga sakripisyo sa iyang inahan ug igsoon nga duawon kini sa akademya,hingpit na kining migawas ug mag-eskuwela sa pagka-doktor.
Pagsugid pa niini nga naglisod kini sa ‘transition stage’ diin gikan sa pagka-civilian minded ngadto sa pagsilbing sundalo na manglihuk-lihok sanglit palig-unay sa pagbati sulod sa PMA.
Apan saysay pa niini nga tungod sa inspirasyon sa iyang pamilya, nalutsan niya ang mga pagsulay ug nagsilbi pa nga magna cum laude sa PMA acamedics.
Si Cabardo ang kabahin sa 266 ka PMA SikLab-Laya Class of 2025 diin mas gipili sudlan ang mahimong sakop sa Philippine Air Force.
Tipik ang maong bagitong Air Force officer sa 17 ka mistah o batchmates nga gikan sa Northern Mindanao region.
Hisayrang sa wala pa hingpit pagka-sundalo ni Cabardo, naigo pa kini sa COVID-19 infection.
