CAGAYAN DE ORO CITY – Nakatabang pagdako sa pagpugong sa mga posibleng dugu-ong panghitabo sa Northern Mindanao ang gipatuman sa Commission on Elections nga gun ban nunot sa natibawas na nga May 12 elections.
Kini tungod sa pagkasignit sa 103 ka personalidad nga gilakipan sa pipila ka miyembro sa ‘uniformed service’ nga nangahas pagsupak sa mga probisyon sa Omnibus Election Code diin sila nasangit sa nagkadaiyang checkpoints ug normal police operations sa rehiyon.
Namahayag si Police Regional Office 10 spokesperson Major Joann Navarro nga nakuha sa maong mga dinakpan ang halos gatos na ka armas kinuyugan sa 773 ka parada sa mga bala.
Siya miignon nga gilangkuban ang maong mga armas,gilangkuban sa 84 ka mugbo,tulo ka light weapons,10 ka replica ug duha ka eksplosibo.
Miingon usab si PRO 10 regional director Brig Gen Jaysen De Guzman nga wala pa’y paglurang sa pagpatuman sa gun ban kay kutob pa ang election period sa Hunyo 11 ning tuiga.
Hisayrang nga gilila sa Kampo Alagar nga dako’g tabang ang pagkabawi sa maong mga kontrabando aron makab-ot ang halos gatos porsiento nga kahusay’g kalinaw sa NorMin region.
