CAGAYAN DE ORO CITY – Gihinaut sa kampo ni Misamis Oriental Governor elect Juliette Uy nga duyugan ni re-elected District 2 Cong.Bambi Emano ang dugang mga ipatuman nga mga programa ug mga serbisyo sa katawhan sa lalawigan.
Kini taliwala nga napukan si incumbent Provincial Gov. Peter Unabia sa subli nila panagtigi sa milabay’ng May 12 elections sa probinsya.
Miingon si Atty.Angel Lim,chief legal counsel sa Uy transition team nga daan nang namahayag ang incoming governor nga unta ubanan ni Emano si 1st District Congresswoman elect Atty. Jennifer Karen Lagbas aron mas mahatagan pa sa dugang pag-alagad ang katawhan sa lalawigan.
Pulos gipukan ni Uy ug Lagbas ang gobernador ug anak niini nga si incumbent District 1 Cong.Christian Unabia.
Sa pagkutlo ning balita, wala pa’y gilugwa nga reaksyon si Emano sa publiko kabahin sa gipalanog ni Uy.
Hisayrang sa panahon nga gobernador pa sa lalawigan amahan ni Bambi nga si late former City Mayor Vicente ‘Dongkoy’ Emano, alyado niini ang mga Uy nga naggikan sa lungsod sa Villanueva.
