CAGAYAN DE ORO CITY – Gipasalig sa Moro Islamic Liberation Front (MILF) North Western Mindanao nga bantayan ang mga lugar nga sulod sa Bangsamoro Autonomous Region in Muslim Mindanao o BARMM ang kahapysay ug kalinaw sa parliament elections sa Oktobre 13,2025.
Kini ang rason nga mihimo’g pinakaunang higayon nga mitunob sa Kampo Alagar si MILF North Western Mindanao Front chief Sultan Abdullah Macapaar alyas Kumander Bravo aron tambungan ang Peace,Development & Governance Conversation sa headquarters sa Police Regional Office 10 nakabase sa Kampo Alagar,Cagayan de Oro City.
Gibutyag ni Kumander Bravo nga dili na nila gusto mabalik ang panaggubat tali sa gobierno ug ilang grupo aron kalikayan nga masinatian sa mga anak nila.
Kini ang rason nga sobra ang paningkamot sa pagtabang sa gobierno nga mapalig-on ang nakuha nga kalinaw nga gibuhisa’g daghang kinabuhi matuman lang ang otonomiya.
Si Kumander Bravo sa wala pa nahimong miyembro sa Bangsamoro Transition Authority ng kabahin sa pakig-away sa all out war declaration ni dating Pangulong Joseph ‘Erap’ Estrada sa Mindanao diin siya maoy nagdala sa Kampo Bilal sa Munai,Lanao del Norte.
Hisayrang ang October Bangsamoro parliament poll ang pinakaunang higayon sa Bangsamoro Autonomous Region in Muslim Mindanao (BARMM) ubos sa Bangsamoro Organic Law diin ang mga mangdaug maoy mohulip sa naglangkob sa interim Bangsamoro Transition Authority Parliament.
