CAGAYAN DE ORO CITY – Nakahan-ay na ang ubay-ubay’ng kalihukan nga alayon sa kasalugan sa ika-127 ka tuig nga Philippine Independence Day ingon man 75th charter day celebration sa pagkahimong syudad sa Cagayan de Oro.
Kini maoy pagsugilon ni CdeO at 75 Charter Day co-chairman City Administrator Atty. Roy Raagas alayon preparasyon sa city govt alang sa duha ka dagkong kasaulugan sa dakbayan sa Hunyo.
Siya miingon nga ayha ang kasaulugan sa Adlaw sa Kaugalingnan ug Karta sa Dakbayan,hatagan una’g importansya sa komitiba ang National Flag Day sa Mayo 28 ug ang paglab-as sa ika-125 ka tuig nga sumad sa Battle of Macahambus Hill.
Kini nga hitabo ang pinakaunang kadaugan sa mga Cagay-anon batok sa tropang Amerikano dihang natigayon ang engkuwentro niadtong Hunyo 4,mil-900.
