Milusad sa konsierto ang grupong Atin Ito Coalition, sa lawod sa West Philippine Sea, kagabie.
Mitin-aw si Rafaela David, Mission Commander sa Atin Ito Civilian Mission nga ang sundayag sa mga pinoy artist nagtimaan sa pag-awhag sa China nga undangon na ang taas nga bangi ug ibalik ang maayong kooperasyon tali sa gobyerno sa Pilipinas.
Gani nagpadala pa sa sulat-imbitasyon ang grupo sa China aron salmutan ang konsierto duha ka bulan na ang nakalabay, apan wala kini tagda.
Kagabie, managlahing local ug international artists ang miapil Concert at Sea for Peace sa lawod sa El Nido, Palawan.
Lakip sa mikanta sila Noel Cabangon, Ebe Dancel, all-women rock band Rouge, rap collective Morobeats, ug P-pop group HORI7ON.
Gawas sa mga local artists, adunay usab international performers sama sa Japanese singer Fumi, Malaysian ug Indonesian artists Viona ug Kai Mata, ug South Korean K-pop girl group I:Mond.
Hisayran nga ang Atin Ito Coalition nag-awhag sa China nga mangapil sa solidarity mission, apan wala kini motubag sa maong imbitasyon.
