Wala tumpangi ni Vice Pres Sara Duterte ang pasiatab sa pipila ka grupo nga nahadlok kaniya si Senate Pres Chiz Escudero rason gisibog ang pagbasa sa giatubang niya nga articles of impeachment sa senado.
Kini ang reaksyon ni VP Sara dihang nakaabot kaniya ang gipamugos ni Akbayan partylist Rep. Percival Cendaña ug kanhi ACT Teachers partylist Rep. France Castro nga nahadlok ang senado ingon man gihataga’g proteksyon batok sa impeachment complaint.
Miingon si Inday Sara nga wala sa kinaiya nga mobati’g kahadlok sanglit abogado kini ug adunay taas nga kasinatian pag-abot sa mga gimbuhaton sa Kongreso.
Siya miingon nga sila ra ni Castro ug Cendaña ang nasayod sa ilang gipanulti.
Una nang gisibog ni Escudero sa petsa 11 sa Hunyo ang pagtuki sa impeachment ni VP Sara ug wala niadtong adlaw’ng Lunes.
Hisayran nga kung dili matuki ang impeachment nga gingusgan sa kamarabaha ug suportahan sa pipila ka senador,dako ang tsansa nga kini hingpit nga mabasura sunod semana.
