Walay kompirmasyon ang pipila ka senadores kabahin sa mikaylap nga resolusyon diin nagtumong sa pagbasura sa impeachment case nga giatubang ni Vice Pres Sara Duterte.
Kini human pulos namalibad ang mga senador nga napangayua’g katin-awan sa Bombo Radyo kabahin sa maong isyu.
Namahayag sila Sen Ronald de la Rosa,Sen Bong Go,Sen Cynthia Villar ug Sen Risa Hontiveros nga dili una sila maka-komento kay wala pa sila’y nakit-an nga opisyal nga kopya niini.
Sa panig usab ni Senate Minority Leader Koko Pimentel,dakong posibilidad nga peke ang kopya sa resolusyon kay wala kini magkadimao sa pagkahan-ay.
Dumduman nga nabatikos ang liderato ni Senate Pres. Chiz Escudero kay kalit gibalhin sa petsa 11 sa Hunyo ug dili sa dos ang pagbasa unta sa articles of impeachment batok VP Sara.
Hisayrang nagtoo ang ubang legal experts nga mapakyas ang pagtuki sa senado sa kaso ni VP Sara ug hayan adunay bag-o nga maduso niini pagsulod sa 20th Congress.
