Gipalanog sa grupo ni incoming Mamamayang Liberal partylist Rep. Leila de Lima kuyog ang ubang grupo ngadto sa Senado nga sugdan na ang pagtaral kang Vice Pres Sara Duterte.
Kini nunot sa giatubang ni VP Sara nga articles of impeachment sa senado nga nalangan pagsamot kay nasibog ang pagtuki ngadto sa Hunyo 11 gikan sa petsa 2 unta nga unang nalatid sa iskedyul.
Kini nga singgit sa maong grupo maoy tubag usab sa resolusyon nga gipatuyok ni Sen Ronald de la Rosa nga hingpit nang ibasura ang reklamo batok kang VP Sara.
Si De Lima ang kabahin sa molangkob sa House prosecution panel nga maoy motaral kang VP Sara kung mahatagag higayon nga madayon ang impeachment proceedings.
Hisayrang si De Lima ang gikaintapan nga kritiko usab ni kanhi Pres Rodrigo Duterte diin siya halos unom ka tuig gibilanggo gumikan sa akusasyon sa kalambigitan sa illegal nga droga.
