CAGAYAN DE ORO CITY – Walay legal nga basehan alang sa pipila ka abogado ang gihingusan nga outright dismissal resolution sa senado sa impeachment case nga giatubang ni Vice Pres Sara Duterte.
Kini ang kaugalingong pagtoo ni Eddie Cuaresma,kanhi presidente sa IBP-Misamis Oriental chapter kabahin sa laraw sa pro-Duterte senators nga ipabasura ang reklamo aron wala na’y dunggon ang impeachment court sa sunod nga mga adlaw.
Namahayag si Cuaresma nga dakong illegal ug pagpihig sa katawhan kung buhaton kini sa senado ubos ni Senate Pres Francis Escudero.
Dumduman nga wala makaangay ang pipila ka mga abogado gikan sa UP College of Law sa diskarte ni Escudero kabahin sa impeachment complaint ni VP Sara nga pila ka bulan nga naka-estangko sa senado.
