Nadag-an sa San Miguel Beermen ang dula batok Rain or Shine Elasto Painters alang sa nagpadayong PBA Philippine Cup nga gipahigayon sa Cagayan de Oro City Convention Center, kagabie.
Mibida sa dula si SMB shooting guard CJ Perez human kini miani sa 33 puntos, 8 rebounds, 7 assists, ug 3 steals. Pulos usab nagdouble digits sa dula sila Don Trollano sa iyang 24 puntos.
Samtang si 8-time MVP awardee nga si June Mar Fajardo mitala sa iyang 20 puntos, ug 9 rebounds.
Hisayran nga nasayang lang ang hago nila Andrei Caracut sa Rain or Shine human siya mitala sa 24 puntos, kuyog nila Adrian Nocum, 22 puntos, ug 17 puntos kang Jhonard Clarito human wala maka-apas ang ilang team sa ika-upat nga kwarter.
Mihimo pa sa comeback attempt si Nocum alang sa Rain or Shine dihang masalsal niini ang tibook 16 puntos sa ika-upat nga quarter.
Hisayran nga sa katapusan minuto sa dula, si Chris Ross sa San Miguel ug si Clarito nakadawat sa technical fouls tungod sa tensyonado nga dula.
Natapos ang bangi sa SMB ug Rain or Shine sa final score 120-111.
