Suportado sa Commision on Elections (COMELEC) ang panawagan ni Bangsamoro Autonomous Region in Muslim Mindanao (BARMM) Vice Chairperson Mohagher Iqbal nga ihinayon na ang 2025 Bangsamoro Elections sa Oktobre.
Namahayag si COMELEC Chairman Atty George Erwin Garcia nga nakapangandam na ang poll body alang sa training sa Board of Election Inspector (BEIs), pagpili sa mga polling precints, ug uban pang security preparations aron mulampos ang ilang tinguha nga mahimong hapsay ang piliay sa rehiyon.
Ang labing unang Bangsamoror Parliamentary Elections ipahigayon sa Oktobre 13, kundiin, subay sa kalendaryo sa BARMM’s calendar of activities, ang election period sugdan sa Agusto 14 ug tak-upan sa Oktobre 18.
Samtang ang adlaw sa mga kampanya, ilusad sa Agusto 28 padulong sa Oktobre 11.
Anaa sa 73 ka mga lugar sa BARMM ang pinal nga ihap nga pahigayunan sa piliay.
Kini nga mga lugar gisubay sa nahuman nga plebesito niadtong tuig 2019.
Gitawag isip Special Geographic Area (SGA) sa BARMM ang upat ka mga clusters. Cluster 1 – Sakop sa Pikit, North Cotabato (22 ka barangay); Cluster 2 – Sakop sa Aleosan, Carmen, ug Kabacan (13 ka barangay) ; Cluster 3 – Sakop sa Midsayap, Pigcawayan, ug Libungan (13 ka barangay); ug Cluster 4 – Sakop sa Kabacan, Carmen, ug Matalam (25 ka barangay).
Kini nga piliay gipondohan sa Department of Budget and Management sa P2.7-billion.
