CAGAYAN DE ORO CITY – Nanganti si Misamis Oriental Governor elect Juliette Uy nga sumpu-on ang isyu sa kurapsyon sa higayon nga iya nang dumalahon ang kapitolyo-probinsyal sa udto sa Hunyo 30 ning tuiga.
Miingon ang bag-ong gobernadora nga dili niya gusto nga magpadayon ang ‘palakasan system’ kay hingusgan niini ang patas nga pagtagad sa katawhan sa lalawigan.
Dawaton usab niini ang iyang mga nakaatbang sa politika kung modangop kaniya alang sa mga serbisyo sa duha ka component cities ug mga kalungsuran.
Gihinaut ni Uy nga dili lang si 1st District Congresswoman elect Atty. Jennifer Karen Lagbas ang mag-uban sa pag-alagad apan apil si 2nd District Cong.Bambi Emano gikan sa Padayon Pilipino-Paglaum alliance aron hingpit makabangon ang Misamis Oriental.
Si Uy ang ikaduhang babaye sa kasaysayan sa lalawigan nga moserbisyo isip-gobernadora nga unang nabuhat kaniadto ni former Governor Ruthie de lara Guingona tuig 1998.
