Sa labing unang higayon, gikan na mismo sa baba ni Presidente Ferdinand Marcos Jr nga wala siyay papel sa impeachment ni Vice President Sara Duterte.
Mahindumduman nga sa taas nga panahon, kanunay si Palace Press Office Atty Claire Castro ang nagsugilon nga dili interesado si Presidente Marcos sa mga kaso nga gikalambigitan sa bise presidente, apan, sa iyang ikaduhang hugna sa podcast, siya na mismo ang mitin-aw nga wala siyag panahon aron hatagan ug pagtagad ang maong isyu.
Giseguro sa presidente nga mas tutukan niya ang kalambuan sa nasud, pinaagi sa pagtabang sa kabus, pagmugna sa daghang trabaho ug mga programa nga mupasaka sa kalidad sa kinabuhi sa katawhang Pilipino dungan ang pagpabaskog sa ekonomiya sa nasud.
Lakip niini ang pagtutuk sa programa sa agrikultura, barato nga bugas, maayong transportasyon ug daghan pang uban.
