CAGAYAN DE ORO CITY – Dili na opisina apan selda na ang napadulngan sa trabahante sa kagamhanan nga nakabase sa syudad sa Malaybalay,Bukidnon.
Kini human kompirmaha ni Philippine Drug Enforcement Agency 10 regional director Atty Benjamin Gaspi nga nadakpan sa ilang tropa kuyog ang kapolisan ang suspected high value target nga si alyas Jerome maong syudad.
Matud ni Gaspi nga maoy mikasa sa buy bust operation ang tropa sa PDEA Bukidnon Provincial Office ingon man mga personahe sa Malaybalay City PNP Drug Enforcement Unit apil ang intelligence units sa Bukidnon PNP ug PRO 10 rason nadakpan si Jerome diin nabawian sa sobra 13-mil pesos nga balor sa gitoohan shabu.
Nasuta nga empleyado sa city hall sa Malaybalay ang dinakpan.
Kasong pagsupak sa Comprehensive Dangerous Drugs Act of 2002 ang giatubang sa dinakpan sa piskalya sa Malaybalay City.
