CAGAYAN DE ORO CITY – Wala sungaga ni Misamis Oriental 2nd District board member Nancy Madjos ang Omnibus Election Code diin sila mga kandidato obligado moduso sa ilang Statement of Contributions and Expenditures/SOCE sa Commission on Elections/Comelec pipila ka semana gikan sa May 12 polls.
Kini human tumbuka ni Comelec-Misamis Oriental Provincial Election Supervisor Atty Carlito Ravelo nga anaa sa lima ka kandidato gikan sa probinsya,kalungsuran ug Cagayan de Oro City ang pakyas makasunod sa SOCE filing mihupas sa milabay’ng Hunyo 11 ning tuiga.
Matud ni Madjos nga tungod sa kaipiki sa iyang mga adlaw pagdason sa SOCE sa local Comelec epekto sa daghan niya giapas nga gimbuhaton,milahos na kini sa central office aron maapas ang dokumento ug gihatagan siya sa sertipikasyon.
Una nang namahayag si Ravelo nga sa Comelec-Manila ang katapusang opsyon niini kay wala na sila’y gahom pag-akomodar sa probinsya alang sa SOCE.
Dumduman nga daan nang namahayag si Comelec chairman George Garcia nga dili palingkuron sa katungdanan ang mga kandidatong nangdaug sa piliay kung wala ang SOCE.
Multa hangtod 30-mil pesos ug paghikaw na makakupot sa bisan unsa nga katungdanan ang mahiaguman sa mga kandidato nga pakyas makatuman sa kasuguan sa balaod.
