CAGAYAN DE ORO CITY – Dili una mohatag komento ang kanhi punong barangay sa Nazareth ug re-elected City Vice Mayor Jocelyn ‘Bebot’ Rodriguez kabahin sa ‘circus’ tali sa duha ka pundok sa kapitanes nga nagkabangi nga naglangkob sa Association of Brgy Councils/ABC ning syudad.
Miingon si Rodriguez nga likayan una nila nga mopalanog sa ilang mga reaksyon hangtod nga wala pa’y hukom nga ipakanaug ang ABC National League nunot sa pagpalagpot sa katungdanan isip senior vice president ni Gusa Brgy Kapitan Marlo Tabac kay giakusahan sa pipila ka isyu kabahin sa panalapi.
Siya miingon nga ayha na kini mohatag sa iyang baruganan kung mahapsay na ang isyu ni Tabac batok sa akusasyon nga gipakang ni kanhi ABC president ug 2nd District City Councilor Alam Lim nga gihimong basehan sa daghang kapitanes sa petition sa ‘loss of trust and confidence.’
Si Tabac kung mahingpit ang pagka-presidente sa ABC,magsilbi kining ex-officio o ikatandi sa pinili nga city councilor apan representasyon sa kapitanes sa dakbayan ubos sa timon ni Rodriguez.
Dumduman nga dakong babag kang Tabac nga mohulip sa gibakante nga puwesto ni Lim kay gipapha siya isip bise-presidente sa ABC rason nga naghulat sila sa hukom sa ABC national league officials.
