CAGAYAN DE ORO CITY – Mihimo sa mga konsultasyon sila Misamis Oriental Gov.Juliette Uy ug 1st District Congresswoman Atty. Jennifer Lagbas sa mga mayores ug kabarangayan sa unang distrito sa lalawigan.
Kini isip direkta nga pakigsayod sa mga programa ug batakang serbisyo nga mas gikinahanglan sa katawhan sa iyang distrito.
Siya miingon nga pinaagi sa subli pakighimamat sa maong mga opisyales,magsilbi nila kini nga basehan alang sa mga pagpangita’g pondo didto sa kauluhan nga magamit sa katawhan sa lalawigan.
Si Lagbas ug Uy ang pulos pinakaunang mga babaye nga nagsilbing gobernadora ug kongresista unang distrito subay sa kasaysayan sa politika sa lalawigan.
Hisayrang maoy gipildi sa duruha ang mag-amahan nga si kanhi Misamis Oriental Gov. Peter Unabia ug former 1st District Congressman Christian Unabia.
