CAGAYAN DE ORO CITY – Kumpiyansa ang kampo ni Association of Brgy Councils – Cagayan de Oro chapter Vice President Marlo Tabac kinsa kapitan Gusa nga mabasura ang mga kaso gipasaka batok kaniya sa committee on blue ribbon sa konseho ug didto sa Ombudsman-Mindanao.
Kini ang gipadayag sa abogado ni Tabac nga si Atty. Dale Brian Mordeno kabahin sa gipalanog sa kampo ni kanhi ABC-CdeO president nga karon 2nd District City Councilor Alam Lim nga may nahandos na nga kasong kurapsyon sa Ombudsma gumikan sa gitawag nga ‘forum shopping’.
Miingon si Mordeno nga kung pulos kini aksyonan sa komitiba sa konseho ug Ombudsman nga reklamo nga giduso ni Gusa Brgy Tanod Ludivino Dayondon batok Tabac,walay duda nga ipang-basura kini sa dili madugay.
Siya miingon nga hinoon, kabahin lang sa ilang depensa ni Tabac ang pag-insister nga forum shopping nga aspeto ang gihimo sa mga kaatbang niini.
Apan alang kang ABC-CdeO chapter spokesperson Baikingon Punong Brgy Jao Gumapac nga dili suliran kung adunay duha ka proper forums ang gisandigan sa ilang grupo.
Kini tungod kay alang kanila,dili man tribunal ang komitiba sa konseho.
Gihimakak usab niini nga siya ang nanghingusog sa maong mga pagduso sa mga kaso gamit ang grupo ni Dayondon kay nagsilbi lang siya nga tigpamaba sa ABC-CdeO.
Giklaro niya nga ang pagsilbi niya nga sakop sa media ang iyang gigamit aron giingong tabangan ang mga midangop kaniya kay nahiagom sa dili maayong kasinatian sa panarbaho sa Brgy Gusa.
Dumduman nga kabahin sa gibasehan nga gihukasan sa pagka-bise presidente ug supakon ang pagka-presidente ni Tabac sa liga ang isyu sa kurapsyon kabahin sa mga tseke ug mismong mga kakulangon niini sa kaugalingong brgy.
Hisayrang naghulat si Tabac sa certificate of confirmation gikan sa Liga-national aron ipalig-on ang pagsilbing presidente niini sa ABC-CdeO chapter nga gibakante ni Lim niadtong Hunyo 30 sa udto.
