Operational na ang Waste Water Treatment Facility sa Carmen Public Market sa Cagayan de Oro, human kini gi-turn over sa City Engineering Office niadtong Hulyo 2025.
Ang proyekto gipatuman sa City Economic Enterprises and Business Development Administration (CEEBDA) isip kabahin sa kampanya sa kalimpyo ug kahimsog sa merkado, subay sa regulasyon sa DENR-EMB.
Si Mayor Rolando “Klarex” Uy miingon nga ang pasilidad usa ka dakong lakang sa pagpatuman sa CDO-RISE Agenda, nga nagpunting sa limpyo ug luwas nga palibot sa mga pampublikong merkado.
Samtang si CEEBDA Head Mary Sean Molig namahayag nga ang proyekto hapit na gyud mahuman ug posibleng magamit na sa tunga-tunga sa Hulyo.
