Gusto pang palawman sa pipila ka mga board members ang kasayuran kabahin sa mga dokumentong gilubong sulod sa bisinidad sa Misamis Oriental Provincial Jail o MOPJ.
Gibutyag ni Board member Princess Emano nga gusto gayud niyang masayran kung unsay naa sa maong mga dokumento kung nganong kinahanglan man gayud kining ilubong.
Matud ni Emano nga may mga daan man gihapon siyang dokumento apan wala moabot sa punto nga iya kining ilubong.
Kahinumduman nga una nang gidepensa sa kanhi administration nga mga daan na ang maong dokumento nga gilubong.
