CAGAYAN DE ORO CITY – Misamot ka-alanganin ang preparasyon sa Commission on Elections alang sa brgy ug sk elections sa Disyembre ning tuiga.
Kini human subli misitar ang ahensiya sa registration period nga sugdan sa Agosto 1 hangtod 10 ning tuiga.
Gibutyag ni Comelec-Misamis Oriental Provincial Election Supervisor Atty. Carlito Ravelo nga walay kasagiruhan nga mogawas ang balaod nga pirmado ni Pres Bongbong Marcos nga magsibog sa eleksyon sa brgy sa sunod tuig.
Kini ang hinungdan nga subli sila misitar sa laing petsa sa pagpang-rehistro aron likayan nga maipit sila kung pananglitan mahinayon ang piliay.
Hisayrang bisan mapirmahan ni Marcos ang balaodnon,nag-atang na ang grupo ni election lawyer Romulo Macalintal aron kuwestiyonon ang legalidad niini ngadto sa korte suprema.
