CAGAYAN DE ORO CITY – Dili Limketkai Luxe Hotel apan Velox Gasoline Station daw ang gipasabot ni Misamis Oriental Gov. Juliette Uy nga nagbaton sa dakong utang nga wala mabayri ni kanhi Gov. Peter Unabia.
Kini human unang nangayo’g pasaylo si Uy kang Limketkai Luxe Hotel General Manager Jerome De la Fuente sa ilang panagkita kagahapong adlawa.
Miingon Celso Abucejo,special assistant to the office of the governor nga dili ang hotel nga gidumala ni De la Fuente ang buot ipasabot ni Uy.
Apan ang gasolinahan diin adunay dokumento nga ilang nadawat kabahin sa pagpaningil niini.
Siya miingon nga nagpasalamat sila nga paspas nga nahusay ang wala pagsinabot ni Uy ug De la Fuente.
Nagsumikad ang hait nga reaksyon ni De la Fuente sa pagsampit ni Uy sa Limketkai Hotel nga daw naningil kaniya sa bayrunon ni Unabia nga 48 milyones pesos.
Nadismaya sa De la Fuente sa pahayag sa gobernadora rason nga gi-demanda usab niini nga angayang mangayo’g pasaylo ngadto sa hotel mngt diin sila nagkatagbo kagahapong adlawa.
Apan sa ngalan sa pagpaubos, nangayo’g pasaylo ang gobernadora sa gamay’ng kasilik-an nga gikadismaya ni De la Fuente rason nga nahupay ra ang isyu.
