CAGAYAN DE ORO CITY – Silutan ni City Mayor Klarex Uy kinsa kadtong mangahas nga mobutang sa iyang hitsura o pangalan sa mga ipatuman nga mga proyekto sa kagamhanang-lokal sa syudad.
Kini human nadesisyonan sa mayor nga ipalig-on ang pagpatuman sa memo circular sa Department of Interior and Local Government/DILG nga mas naila nga anti-epal policy ngadto mga politiko nga hilig mosundayag sa mga hulagway sa mga tukurong mga proyekto.
Namahayag si Janboy Actub,tigpamaba ni Klarex nga dakong kaulawon alang kaniya nga itupad ang iyang hitsura sa mga tukurong mga proyekto nga gamit ang salapi sa katawhan.
Kini ang rason nga wala na siya’g tugtan nga magbutang-butang pa sa iyang hitsura o pangalan sa mga umaabot nga mga proyekto ubos sa iyang pagdumala.
Dugtong niini,masaligon ang katawhan nga kuhaa’g panag-ingnan sa ubang mga politiko ang gusting ipatuman ni Klarex nga patakaran sa dakbayan.
