CAGAYAN DE ORO CITY – Gikompirmar ni Special Asst to the Governor Celso Abucejo nga ubay-ubay’ng job orders ug casuals ang wala na makabalik sa kapitolyo-probinsyal.
Kini human mipuli si Misamis Oriental Gov. Juliette Uy sa pagdumala sa lalawigan.
Miingon si Abucejo nga anaa sa 150 ka bag-ong mga empleyado ang ilang napasulod isip hulip sa mga wala na ma-renew.
Siya miingon nga adunay pipila ka regular workers usab sa kapitolyo nga boluntaryo nag-resign sa ilang mga trabaho tungod sa kabag-uhan sa liderato sa probinsyal-kapitol ning panahona.
Gibutyag niini nga anaa sa mil-500 ang regular workers sa kapitolyo ug ang laing gatusan niini ang pulos na JOs ug casuals.
