Gibulgar sa National Police Commission o NAPOLCOM nga adunay duha ka grupo ang misulay nga impluwensyahan ang imbestigasyon alayon sa pagkalambigit sa 12 ka aktibong pulis sa kaso sa nangawalang sabungero.
Gibutyag ni NAPOLCOM Vice Chairman and Executive Officer Atty. Rafael Calinisan nga gisulayan sa maong mga grupo nga areglohon ang kaso sa mga pulis.
Matud ni Calinisan nga iyaha kining gipahibalo aron masayod ang publiko kabahin sa mga sekretong laraw sa pipila ka individual nga manghilabot sa imbestigasyon.
Gipaniguro sab niyang magpabiling patas ug magpadayon ang pag imbestigar sa NAPOLCOM ug ibasi ang resulta niini sa mga ebidensya.
