Misaka pa sa unom ka tawo ang patay tungod sa Bagyong Crising ug kusog nga ulan dala sa Habagat.
Gibutyag sa National Disaster Risk Reduction and Management Council (NDRRMC) nga sa maong ihap duha pa ang ilang nabalidar, samtang ang laing upat ang gipangitaan pa sa dugang impormasyon.
Subay sa latest data sa ahensya, tag-usa ang kompirmadong patay sa Northern Mindanao, ug CARAGA Region.
Samtang gibalidar pa ang dugang duha ka tawong nakalas gumikan sa pagkalimos sa dagat sa Region 10, ug tag-usa ka patay sa Mimaropa ug Davao Region.
Ang kalamidad mi-apektar na sa 362,465 ka pamilya o matandi sa 1,266,322 ka indibidwal gikan sa 2,088 ka barangay sulod sa 17 ka rehiyon.
Sa pagkakaron, anaa sa 4,991 pamilya o 17,116 ka tawo ang padayong nagpasilong sa 277 ka evacuation centers, samtang 14,524 ka pamilya o 65,219 ka indibidwal ang natabangan sa gawas sa evacuation centers.
Sa data nga gipagawas sa Office of Civil Defense (OCD) anaa sa 1,153 ka balay ang “partial damaged” ug 348 ang “total damage,”.
Ang kadaot sa kalamidad midamyos na sa P413.02 milyon, samtang P54.06-M sa agrikultura.
