Gidayeg ni Senate President Francis Chiz Escudero si Presidente Ferdinand Marcos Jr sa iyang ika-upat nga State of the Nation Address (SONA) kay wala kini milakmit sa isyu-pamulitika ug nakapukos lamang sa mga serbisyo nga nahimo sa gobyerno sa milabay’ng usa ka tuig.
Gidayeg usab ni Escudero ang pag-angkon sa presidente nga daghan siyag kakulangon busa daghan usab sa iyang mga laraw ang wala nahatagan sa katumanan sa milabay’ng tuig.
Nagtoo si Escudero nga ang pag-angkon sa kakulang, maoy timaan sa iyang pagkamapaubsanon taliwala nga siya gihangad isip labing taas nga opisyal sa nasud nga pwede mugamit sa iyang gahum ug garbo sa iyang SONA.
