CAGAYAN DE ORO CITY – Kompirmado nang masibog sa Nobyembre 2026 ang Brgy ug SK elections nga subay sa mando sa balaod himoon unta sa Disyembre 1 ning tuiga.
Kini human gibutyag ni Comelec chairman George Garcia nga pirmahan na ni Pres Bongbong Marcos ang balaodnon sa petsa 12 sa Agosto sa Malakanyang.
Miingon si Garcia nga gumikan niini,maubsan sa kabug-at sa ilang trabaho ang mga empleyado sa ahensiya ug maka-pokus na sa preparasyon ug pagpahigayon sa pinakaunang parliamentary elections sa katawhan sa Bangsamoro Autonomous Region in Muslim Mindanao/BARMM sa Oktobre ning tuiga.
Hisayrang daan nang nagmando ang korte suprema nga dili na subli-on nga isibog ang paglusad sa eleksyon sa brgy apan nagkauyon ang kamara ug senado sa pagsupak niini.
