Agrisibo nga Maritime Domain Awareness patrol ang gipahigayon sa mga miyembro sa Philippine Coast Guard (PCG) batok sa Chinese Research Vessel nga Xiang Yang Hong 05 nga nasiplatan sa kadagatang bahin sa Babuyan Islands.
Gimando ni PCG Commandant Admiral Ronnie Gil Gavan ang pag-challenge sa barko sa mga insek human sila nagpadulong sa isla.
Base sa bana-bana sa PCG anaa nalang sa 14.92 nautical miles ang gilay-on sa Babuyan Island ug kadudahan ang ilang lihok.
Gikompirmar sa PCG nga wala mitubag sa radio challenge ang mga insek.
Napamatud-an usab sa pinoy crew nga makadaghang higayon nagbaras-baras maong barko ug misulod sa Exclusive Economic Zone (EEZ) sa Pilipinas sukad pa niadtong Hunyo 7.
Lakip nga gisubay sa Chinese Research Vessel ang kadagatan dapit sa Burgos, Ilocos Norte.
Hisayran nga ang Xiang Yang Hong 05 giingong usa ka kanhi cargo vessel nga gi-convert ang operasyon aron mulusad sa marine scientific research.
