CAGAYAN DE ORO CITY – Gihupay sa Commission on Elections ang kabalaka nga walay dakong salapi nga nausik sa ilang paglusad sa registration period alang sa mga bag-ong botante nga gitumong sa December 1 Brgy ug SK elections sa nasud.
Kini taliwala nga nakaung-ong ang pagpirma ni Pres Bongbong Marcos sa balaodnon nga nagtumong pagsibog ngadto sa Nobyembre 2026.
Miingon si Comelec 10 regional director Atty Renato Magbutay nga maoy nauyunan sa ilang kadagkuan pinaagi sa gipatawag nga komperensiya nga magpadayon ang pagpangrehistro hangtod nga adunay klaro nga pirmado nga balaodnon nga magsibog sa piliay sa brgy.
Siya miingon nga maniguro sila sa ilang preparasyon aron dili maipit kung unsa man ang resulta sa hukom ni Marcos ug bisan sa korte suprema.
