CAGAYAN DE ORO CITY – Posibleng dili gihapon motakdo sa gimando sa korte suprema ang paglusad sa brgy eleksyon sa Disyembre ning tuiga.
Miingon si Xavier University/ XU Law School Professor Atty Oscar Moreno nga tungod kini sa pagkalangan kung adunay pagkuwestiyon sa legalidad niini sa korte suprema.
Gibutyag ni Moreno nga mag-agad na lang kini kung unsay samputan sa mga lakang nga himoon sa mga petisyoner ug kung unsa usab kapaspas ang pag-resolba sa korte suprema.
Dumduman nga misulti nang daan si Moreno nga ang pag-oktaba sa eleksyon sa brgy,dayag nga paghikaw sa katawhan sa ilang batakang katungod nga makahimo’g pagpili sa mga kandidato nga modumala sa tagsa-tagsa nila ka brgy.
Hisayrang daan nang nanganti ang pipila ka election watchdogs nga ilang babagan ang pag-oktaba sa piliay ning tuiga.
