Gi-depensa ni House Speaker Martin Romualdez ang ilang gidusong motion for reconsideration/MR sa 13-0 ruling sa Supreme Court sa impeachment case nga giatubang ni Vice Pres Sara Duterte nga inisyatiba sa Kamarabaha nga pending sa Senado.
Kini human midason na sa tubag ang kampo ni Romualdez subay sa gihatag kanila nga kahigayunan aron tinguhaon mabali ang hukom sa mga mahistrado ug ipadayon ang pagtaral kang VP Sara nga nag-atubang sa articles of impeachment.
Miingon si Romualdez nga gitahod nila ang Konstitusyon ug ang ilang gihatag nga tubag ang paagi sa pagpatigbabaw sa institutional balance ug gumikan sa katawhan nga gi-representahan nila rason naduso ang MR sa korte suprema.
Namugos si Romualdez nga dili pagpanghagit ang ilang gihimo apan daw kaakuhan sa obligasyon nga gisangon kanila sa katawhan.
Gipangayo lang daw nila nga mapreserbar ang ensaktong gimbuhaton sa Kamarabaha nga tinubdan sa tingog sa katawhan pinaagi sa ‘proccess of accountability.’
“The House of Representatives shall have the exclusive power to initiate all cases of impeachment” ,sulti ni Romualdez.
Dumduman nga gigamit nga basehan sa mga mahistrado pagpatay sa kaso batok VP Sara ang dili mao nga proseso ilabina ang sugo sa konstitusyon nga 1 year ban rule.
Nakahulugan nga wala sunda sa kamarabaha ang maong kasuguan kay upat ka impeachment cases ang nasang-at diin ang unang tulo wala aksyoni nga naduso Disyembre 2024 pa.
Wala usab daw hatagi’g kahigayunan si VP Sara makatubag sa articles of impeachment kay imbis nga moagi pa sa justice committee sa kamarabaha,migamit sa laing paagi ang mga kongresista pinaagi sa pagkuha sa 1/3 votes sa katibuk-an nila nga populasyon rason nasaka sa senado niadtong Pebrero 6 ning tuiga.
