CAGAYAN DE ORO CITY – Nagsagol ang reaksyon sa social media netizens nga nakakita sa kuhang video ni Leahcim Euqnod kabahin sa gipatuman nga demolition order sa court sheriff sa pipila ka puy-anan sa Brgy,Kimalok,Libertad,Misamis oriental.
Kini human adunay pagmagahi sa pipila ka residente nga sundon ang kasuguan sa korte subay sa nakuhang pabor nga hukom sa Department of Agrarian Reform Adjudication Board/DARAB ubos sa Department of Agrarian Reform/DAR 10.
Wala makaangay ang netizens kung nganong nagmagahi ang pipila ka residente kung mando sa korte ang pagpapahawa kanila sa maong duluna sa yuta sa lugar.
Gani,nagpatabang sa DARAB sa mga personahe sa kapolisan aron masiguro nga hapsay ang pagpatuman sa kamanduan apan dugay misanong ang mga residente nga punting sa maong lakang.
Kini ang rason nga adunay komosyon diin giingong nasakitan pa ang sheriff nga misilbi sa kamanduan.
Wala kapugngi sa mga silingang nagtan-aw nga makasulti’g mahalang ngadto sa ilang mga silingan nga wala motahod sa kamanduan sa balaod.
Hisayrang usa sa mga residente ang gidampot sa mga otoridad igo sa paghupay sa komosyon sa lugar.
