Milyon-dolyares ang kantidad sa usa ka bato nga gikan sa planetang Mars ang gipaubos sa auction sa New York, America.
Kini nga bato giklasipikar isip talagsaong meteorite nga gikan sa planetang Mars , ug nadiskobrehan didto sa Agadez region sa Niger niadtong Nobyembre 2023.
Kagahapon, gibuksan sa Sotheby’s sa New York ang subasta sa kantidad nga $4.3 milyon.
Ang bato adunay gimbug-aton nga 24.7 kilognga bato, nga nailhan nga NWA 16788, kinsa maoy gikonsiderar nga labing dako nga Martian meteorite nga nadiskobrehan sa dinhi sa kalibutan.
Ang buyer ug seller sa maong auction nagpabiling anonymous, ug wala pay klaro kung nakadawat ba sa bahin ang gobyerno sa Niger sa halin.
Ang gobyerno sa Niger naglunsad na sa imbestigasyon tungod sa posibleng illegal nga pag-export sa bato.
Si US palaeontologist Paul Sereno mipadayag sa iyang kasuko ug miingon nga ang bato angay ibalik sa Niger isip kabahin sa nasudnong bahandi.
Ang Sotheby’s mitubag nga nasunod ang tanang internasyonal nga proseso sa pag-export, apan wala pa kini mopakita sa dokumento nga nagpamatuod niini.
