CAGAYAN DE ORO CITY – Gipangandaman na sa Commission on Elections 10 ang paglusad sa mas lapad nga registration period alang sa mga residente nga mahimong mga botante gikan sa regular ug sector sa kabatan-unan sa rehiyon.
Kini human pirmahi ni Pres Bongbong Marcos ang balaodnon nga nagsentro sa pagsibog sa paglusad sa eleksyon sa brgy sa Disyembre 1 ning tuiga ngadto sa petsa 2 sa Nobyembre 2026.
Miingon si Comelec 10 regional director Atty. Renato Magbutay nga hayan sugdan ang pagbukas sa ilang mga buhatan alang sa mga aplikante nga mahimong botante sa Oktobre ning tuiga.
Gibutyag ni Magbutay nga apil sa ilang atimanon sa October registration period kadtong mga botante nga gusto mag-usab sa ilang mga status-sibil,mibalhin sa voting place ug daghan pang uban.
Hisayrang sa bag-uhay gitak-upan nga napulo ka adlaw nga registration period ning bulana,pulos bag-ong mga botante ang gi-entertain sa Comelec 10 diin sobra gatos-mil ang natala sa tibuok rehiyon.
