Dili una makauli sa iyang puy-anan sa Bulacan ang suspek nga nakuhaan sa kapin P1-Milyon pesos nga shabu, sa gilusad nga drug bust operation sa Zone 4, Barangay Katipunan, Villanueva Misamis Oriental.
Naila ang suspek nga si alyas “Almar”, 24 anyos, walay trabaho ug residente didto sa kauluhan.
Ang operasyon gilusad sa hiniusang puwersa sa mga personahe sa Villanueva Municipal Police Station kauban ang 1001st MC, Regional Mobile Force Battalion 10 kundiin, ilang narekober sa suspek ang 10 ka sachet nga gituohang shabu nga mitimbang sa 160 gramos, nga adunay gibanabana P1,088,000.00 street value.
Nakuha usab sa mga otoridad ang iyang sling bag kung asa gisulod ang P1,000.00 nga gigamit isip buy-bust money.
Una niini, mitug-an ang suspek nga siya dyutay nga mipuyo sa Marawi City ug didto gikuha ang ilegal nga droga.
Kini pa ang unang higayon nga nadakpan ang suspek.
Sa aldaw’ng lunes, dad-0n sa piskalya ang suspek aron ipasaka ang paglapas sa Sec. 5 ug 11, Article II sa R.A. No. 9165 o ang Comprehensive Dangerous Drugs Act of 2002.
